იაგო ხვიჩიას თქმით, დეპუტატების ნარკოლოგიურ შემოწმებაზე 2016 წელს ნახევარ მილიონ ლარამდე დაიხარჯა.
“პარლამენტის წევრებს აერთიანებთ ერთი უცნაური რამ. ეს არის შარდის სიწმინდე. როდესაც ადამიანს მოქალაქქები მანდატს აძლევენ, ისინი მანდატს აძლევენ ყველაფრის მიუხედავად, თუ როგორი ჯანმრთელობის მდგომარეობა აქვთ. ჩემი აზრით, ეს ამომრჩევლის გადასაწყვეტია, მით უმეტეს მაშინ, როცა ქვეყანაში მარიხუანა ლეგალურია, მარიხუანაზე შარდის შემოწმება, როგორც საქართველოს პარლამეტის აუცილებელი ატრიბუტი, არის აბსურდული და სასაცილო.
ჩემი აზრით, პარლამენტის წევრი შეიძლება იყოს ნარკოდამოკიდებული, მაგრამ ნარკოდამოკიდებულება შარდის ანალიზით არც მოწმდება. საქართველოში პარლამენტის წევრებს ვიცნობდი, ვიცოდი, მოიხმარდნენ მარიხუანას, ზოგი სხვა ნარკოტიკულ ნივთიერებასაც მოიხმარდა, როცა ისინი აბარებდნენ და გადიოდნენ ამ ტესტირებას, მათი შარდი წმინდა იყო.
საუბარია, ტესტირებამდე ათი დღე არ მოსწიოს ვიღაცამ. თავს ვიტყუებთ. მგონია, ყველანაირ ადამიანს უნდა ჰყავდეს პარლამენტში წარმომადგენელი, მათ შორის ისეთებსაც, რომლებიც ნარკოტიკებს მოიხმარენ.
პარლამენტში არ უნდა იყვნენ ფსიქიკურად არაჯანმრთელი ადამიანები, რომლებიც ადეკვატურები არ არიან, მაგრამ იყვნენ მარიხუანას მომხმარებლები, – ნორმალური, ადეკვატური ადამიანები“, – განაცხადა „გირჩის“ წევრმა, იაგო ხვიჩიამ.