“აი, ამას რომ გეგმავდით, პარლამენტში შეჭრას და შტურმით აღებას, მაგრები კი არა, კურდღლები ხართ”, – ასე მიმართა პრემიერმა გიორგი გახარიამ გიგა ბოკერიას რეპლიკაზე, რომელიც 21 ივნისს ეხებოდა.
მან გიგა ბოკერიას დამშვიდებისკენ მოუწოდა, „დამშვიდდით ბატონო გიგა, დამშვიდდით, არჩევნებია… მოვა თქვენი რიგი და გიპასუხებთ”, – განაცხდა პრემიერმა.
თქვენ იმდენად ამორალურად იქცევით, რომ ამ ადამიანების ტრაგედიას პოლიტიკურად იყენებთ და მე არ ვიყენებ. მაკო გომურის სახელს, თქვენ დღეში 100 -ჯერ რომ ასახელებთ, მე არ ვიყენებ”.
ასე უპასუხა პრემიერ მინისრტმა გიორგი გახარიამ საპარლამენტო ოპოზიციის ნაწილის შეკითხვებს 20 ივნისის მოვლენებთან დაკავშირებით პარლამენტის პლკენარულ სხდომაზე, სადაც პრემიერ მინისტრი წლიური ანგარიშით გამოვიდა.
მისი განმარტებით, პოლიციელებზე თავდასხმა და პარლამენტში შეჭრა არის სისხლის სამართლის დანაშაული და ამიტომ, ამ ფაქტს შესაბამისი ფასი ექნება.
“ერთი რამე გაითვალიწინეთ – თქვენ აქ შეგიძლიათ რამდენიც გინდათ, იყვიროთ, მაგრამ საბოლოო ჯამში, ეს იქნება შემთხვევა, როდესაც ქართულმა პოლიციამ შტურმით შეჭრა პარლამენტში არ დაუშვა, იმიტომ რომ ეს მისი მოვალეობა და მისი პირდაპირი ფუნქცია იყო. უკიდურესად სამწუხაროა, რომ ადამიანები დაშავდნენ და ამაზე არავინ ისე არ წუხს… თქვენ იცით რატომ არ წუხართ უფრო მეტად? იმიტომ, რომ თქვენ იმდენად ამორალურად იქცევით, რომ ამ ადამიანების ტრაგედიას პოლიტიკურად იყენებთ და მე არ ვიყენებ. მაკო გომურის სახელს, თქვენ დღეში 100-ჯერ რომ ასახელებთ, მე არ ვიყენებ. ეს არის ჩვენს შორის განსხვავება და ეს არის მორალური სხვაობა თქვენს და ჩემს შორის, ეს დაიმახსოვრეთ კარგად”, -განაცხადა გიორგი გახარიამ