უამრავი თემაა განსახილველი პარლამენტში, მაგრამ ვერ დავაყენეთ საშველი, რომ საქმიანი, შინაარსობრივი გარჩევები გაიმართოს. როგორც იქნა, დღეს გამოჩნდა როგორც იქნა ბოიკოტის შემდეგ ხათუნა გოგორიშვილი და დეკლარაციაზე გვესაუბრებოდა ორი საათი. სამწუხაროდ, ვერც მოესწრება, რომ შინაარსზე გადავიდეთ და საგნობრივი კამათი გავმართოთ პარლამენტში, – ამის შესახებ პარლამენტის სხდომაზე სიტყვით გამოსვლისას უმრავლესობის წევრმა, სპორტისა და ახალგაზრდულ საქმეთა კომიტეტის თავმჯდომარემ, მიხეილ ყაველაშვილმა განაცხადა.
„2012 წელს, როდესაც „ქართული ოცნება“ ხელისუფლებაში მოვიდა, ბიძინა ივანიშვილმა განაცხადა, რომ ოპონენტებს მოვექცევით არა ისე, როგორც ისინი იმსახურებენ, არამედ როგორც ამას ჩვენი სამშობლო იმსახურებს. გედევან ფოფხაძე ისე საუბრობს „ქართულ ოცნებაზე“, თითქოს ამ გუნდში ჩემზე მეტი დრო არ ჰქონდეს გატარებული. ელემენტარული პატივისცემა გამოიჩინეთ, ისეთ შეურაცხყოფას გვაყენებთ ყოფილ თანაგუნდელებს, რომ წარმოუდგენელია. უამრავი თემაა განსახილველი პარლამენტში, მაგრამ ვერ დავაყენეთ საშველი, რომ საქმიანი, შინაარსობრივი გარჩევები გაიმართოს. როგორც იქნა, დღეს გამოჩნდა ბოიკოტის შემდეგ ხათუნა გოგორიშვილი და დეკლარაციაზე გვესაუბრებოდა ორი საათი. სამწუხაროდ, ვერც მოესწრება, რომ შინაარსზე გადავიდეთ და საგნობრივი კამათი გავმართოთ პარლამენტში. ქალბატონ ლელა ქებურიას მივმართავ – ვის ბოდიშზე საუბრობთ? ჩვენ რომ მოგვწამლეთ, კარგი, თავი დავანებოთ, მაგრამ პარლამენტის სტაფი რომ იყო აქ, ნეტავ მათზე გეფიქრათ, როცა შემოხვედით და ჩუმად დაასხით საწამლავი. არ გრცხვენიათ? ოჯახის ქალი ბრძანდებით და შვილები გყავთ“, – განაცხადა ყაველაშვილმა.