დღეს უზენაესი სასამართლო საკონსტიტუციო სასამართლოს წევრს აირჩევს. კანდიდატების განხილვა სასამართლოს პლენუმის მიერ 12 საათისთვის არის დაგეგმილი.
პლენუმის სხდომაზე მხოლოდ საქართველოს საკონსტიტუციო სასამართლოს წევრის არჩევაა გათვალისწინებული.
4 მოსამართლეს 10-წლიანი ვადა სექტემბრის ბოლოს ეწურება. გიორგი პაპუაშვილს, კონსტანტინე ვარძელაშვილს, ქეთევან ერემაძესა და ოთარ სიჭინავას უფლებამოსილება 1 ოქტომბრიდან უკვე შეჩერებული ექნებათ.
მოსამართლეების ვაკანსიაზე ერთი უზენაესი სასამართლოს პლენუმმა უნდა დანიშნოს, ერთი – პარლამენტმა, ორს კი პრეზიდენტი ნიშნავს.
საქართველოს პრეზიდენტმა მისი კვოტით განსაზღვრულ ადგილებზე საკონსტიტუციო სასამართლოს მოსამართლეებად ირინე იმერლიშვილი და გიორგი კვერენჩხილაძე უკვე დანიშნა.
სხდომა მედიისთვის დახურული იქნება.
კომენტარები