“პატრიოტთა ალიანსის” ქუთაისის მაჟორიტარობის კანდიდატმა გიორგი წულაიამ, ქუთაისის მერიის შენობასთან ბრიფინგი გამართა.
წულაიას განცხადებით, “პატრიოტთა ალიანსის” წარმომადგენლებს, ელექტრო ბოძებზე საარჩევნო ბანერების გაკვრის უფლებას არ აძლევენ, ვინაიდან ეს კანონდარღვევად ითვლება, თუმცა წულაიას თქმით, ქალაქში “ქართული ოცნების” საარჩევნო ბანერები თითქმის ყველა ელექტრო ბოძზეა გაკრული.
წულაიამ პროტესტის ნიშნად საარჩევნო ბანერის მერიის შენობის შესასვლელთან გააკვრა სცადა, თუმცა დაცვის თანამშრომლებმა ამის უფლება არ მისცეს.
ქუთაისის მერიაში კი განმარტავენ, რომ ყველა ის პოლიტიკური პარტია დაჯარიმდება, რომელთა წინასაარჩევნო ბანერები ელექტრო ბოძებზეა განთავსებული.
კომენტარები
