საჭიროა თქვენი მხარდაჭერა, რათა გაგრძელდეს ქვეყნის სწორი მიმართულებით სვლა, – ამის შესახებ „ქართული ოცნება-დემოკრატიული საქართველოს“ ჩუღურეთის რაიონის მაჟორიტარი დეპუტატობის კანდიდატმა, გია ვოლსკიმ განაცხადა, რომელიც საარჩევნო კამპანიის ფარგლებში ჯავახიშვილის, რეხისა და მეუნარგიას ქუჩებზე რაიონის მოსახლეობას შეხვდა.
ვოლსკიმ მოსახლეობასთან ქვეყნის გარშემო არსებული გლობალური და ლოკალური პრობლემების შესახებ ისაუბრა. ყურადღება არსებული ვითარების ფონზე განხორციელებულ რეფორმებზე გაამახვილა და აღნიშნა, რომ აუცილებელია გაგრძელდეს ქვეყნის სწორი მიმართულებით განვითარება.
„ქართული ოცნების“ ხელისუფლებაში მოსვლის შემდეგ, გავაკეთეთ იმ პერიოდში ყველაზე მნიშვნელოვანი, განვახორციელეთ გადარჩენის პოლიტიკა, რაც აუცილებელი იყო მრავალწლიანი ავტორიტარული მმართველობისგან დაჩაგრული ხალხისათვის. მას შემდეგ დაიწყო მშენებლობა. ახლა საჭიროა თქვენი მხარდაჭერა, რათა გაგრძელდეთ ქვეყნის სწორი მიმართულებით სვლა“,- აღნიშნა ვოლსკიმ.