დაახლოებით 1,2 მილიარდი ლარის დებიტორული დავალიანება უკვე ჩამოწერილია და ამჟამად თავდაცვის სამინისტროს დაახლოებით 260 მილიონი ლარის დებიტორული დავალიანება ერიცხება. ეს თანხა არის გადარიცხული სხვადასხვა კომპანიაში, მის სანაცვლოდ კი არანაირი შეიარაღება საქართველოს არ მიუღია, – ამის შესახებ ტელეკომპანია „იმედის“ გადაცემაში „არენა“ თავდაცვის მინისტრმა, ირაკლი ღარიბაშვილმა განაცხადა.
„დავით კეზერაშვილი არ იყო ერთი ცალკე აღებული მაღალჩინოსანი, ის წარმოადგენდა მიხეილ სააკაშვილს და მის გუნდს. კეზერაშვილი ყოველთვის იყო ამ დანაშაულებრივი ორგანიზაციის დამფინანსებელი. მინდა, კიდევ ერთხელ მოვუყვე საზოგადოებას, რა ხდება ამ წლებში სამინისტროში. ჩავიხედე რა იმ მძიმე მემკვიდრეობაში, რომელიც მე უწყებაში დამხვდა, დაახლოებით 1,2 მილიარდი ლარის დებიტორული დავალიანება უკვე ჩამოწერილია და ამჟამად სამინისტროს დაახლოებით 260 მილიონი ლარის დებიტორული დავალიანება ერიცხება. ეს თანხა არის გადარიცხული სხვადასხვა კომპანიაში, მის სანაცვლოდ კი არანაირი შეიარაღება საქართველოს არ მიუღია” განაცხადა თავდაცვის მინისტრმა.