მეგი გოცირიძემ სოციალურ ქსელში გიგი უგულავასთან დაკავშირებით პოსტი გამოაქვეყნა.
“უგულავამ ამ ჯერადაც გახვრიტა ფსკერი და რიჟა დააკავშირა გეწაძესთან, რიჟა ხალხო, მთელი 9 წელი რომ უგულავასთან ასოცირდებოდა, რომელზეც დუჟმომდგრები ყვიროდნენ ამჟამინდელი ხელისუფლების და იმ ჟამინდელი ოპოზიციის წარმომადგენლები. რიჟასთან ბავშვობის დროინდელი მეგობრობა რომ აკავშირებს გეწაძეს და უგულავას კიდევ, გარდა ბავშვობის მეგობრობისა, ყველაფერი…..
გეწაძეო? დიახ გეწაძე, გამყიდველო ევროქოცებო და გათანაბრებულო პირებო, გეწაძე არის კაცი, რომელიც არცერთ ეტაპზე არ გაყიდულა, ჩვენი პარტიის უცვლელი თავმჯდომარე იყო ზესტაფონში, ზესტაფონის მუნიციპალიტეტის საკრებულო, ფრაქცია „ერთიანი ნაციონალური მოძრაობის“ თავმჯდომარე გახლდათ და ყველა არჩევნებზე, ჩვენი კანდიდატების შტაბში იყო ბოლომდე ჩართული და მანქურთების წინააღმდეგ ბრძოლაში !
მეგობრებო, ბინძურ ადამიანებს, ბინძური კამპანია აქვთ
კახას წინააღმდეგ გაჩაღებული, კახას ვიცნობ 2002 წლიდან, კახასთან ერთად მიმუშავია, მიბრძოლია და ახლაც ვიბრძვი მტრების წინააღმდეგ, მინდა იცოდეთ, რომ უალტერნატივო კანდიდატურაა, რომელიც ღირსეულად დაამარცხებს გარეწრების ხროვას და ამიტომაც უტევენ ასეთი გაშმაგებით!”-წერს მეგი გოცირიძე.
