როგორც პრემიერმა აღნიშნა, „ქართულ ოცნებას“ არჩევნები პრაქტიკულად მოგებული აქვს და არ აპირებს არანაირი აქციის, მით უმეტეს დისკომფორტის შექმნას მოქალაქეებისთვის, არც ქუჩების გადაკეტვას და არც მოძრაობის ჩაკეტვას.
„ერთადერთი აქცია, რომელსაც ჩვენ ვაპირებთ, ეს იქნება გამარჯვების აქცია, 8 ოქტომბრის საღამოს, როდესაც ჩვენ გავიმარჯვებთ“, – განაცხადა პრემიერმა.
„ნაციონალური მოძრაობის“ წევრმა ნიკა მელიამ „ქართულ ოცნებას“ მოუწოდა, დაასახელოს თარიღი, როდის ატარებს თბილისში წინასაარჩევნო დასკვნით შეხვედრას. „ჩვენ შეხვედრას ვატარებთ 2 ოქტომბერს, მაგრამ ნაცვლად 5 ოქტომბრისა, „ოცნებამ“ ჩვენს თარიღს დაამთხვია. ამიტომ, საჯაროდ უნდა განაცხადოს „ქართულმა ოცნებამ“ 2 ოქტომბერს ატარებენ თუ არ ატარებენ. ჩვენი ინფორმაციით, ნაცვლად 5 ოქტომბრისა, ატარებენ 2 ოქტომბერს, იმიტომ, რომ 5 ოქტომბერი არის სამუშაო დღე და ისინი ვერ ახერხებენ საჯარო მოხელეების მობილიზებას თბილისის ცენტრში. ამიტომ, მნიშვნელოვანია, „ქართულმა ოცნებამ“ განაცხადოს, ატარებენ 2-ში თუ 5-ში, წინააღმდეგ შემთხვევაში ისინი ხელს შეუწყობენ პროვოკაციებს“, – აღნიშნა ნიკა მელიამ.