შალვა ნათელაშვილი “რასკრუტკაშია“ “ნაციონალებთან“, “რუსთავი 2“- თან და ტიპური ყვარყვარეა,- ასე უპასუხა ბიძინა ივანიშვილმა პატრიოტიზმთან დაკავშირებით დასმულ შეკითხვას.
მისი თქმით, ანტიპატრიოტიზმის ეტალონი შალვა ნათელაშვილია.
“ყვარყვარე ცოტა კომიკური ტიპია, ნუ ჩავრჩებით კომიკურობაში. ყვარყვარე უდიდესი აგრესიის და სიბოროტის სიმბოლოა. დღესაც ახერხებს იგივე “რუსთავი 2“ და იგივე „ნაციონალური მოძრაობა“ ნათელაშვილის „რასკუტკას“ და „რუსთავი 2”-დან არ ჩამოდის ეს კაცი. დღესაც ცდილობენ პარლამენტში შეიყვანონ ეს კაცი. რამდენად პატივს არ სცემენ თავის სამშობლოს, რომ ცდილობენ, როგორ მოატყუონ ხალხი და შეცდომაში შეიყვანონ. უამრავი გმირი გვყოლია, მაგრამ მოღალატეებიც ბევრი გვყავდა. რომელ პატრიოტიზმზე საუბრობს ეს ტელევიზია, რომელიც თაღლითურ მეთოდებს იყენებს. თაღლითური მეთოდია ის, რომ გვარამიას მთავარი გმირი გახდა დღეს ნათელაშვილი. კარგად ვიცით 2006 წელს მათვე აჩვენეს, როდესაც ჯაშუშებისგან, მოღალატეებისგან ფულს იღებდა 3 დღე სარდაფში იმალებოდა მერე დაჭერით ემუქრებოდნენ. ბოლო დროს რომ მოვიკითხე, ჩაიგორეს მკლავებში და იმის შემდეგ ნათელაშვილს ათამაშებენ. ნათელაშვილი იყო პირველი, ვინც ამერიკას აგინებდა. დღეს ამერიკაში ვოიაჟებს უკეთებენ. პირველი ექვსეული „ნაციონალური მოძრაობის“ საყვარელი ხალხით დაუკომპლექტეს და უბერავენ. ყვარყვარიზმი უნდა დამთავრდეს. რომელ პატრიოტიზმზე უნდა ილაპარაკოს „რუსთავი 2“- მა. ეს არის ყვარყვარიზმი და არა პატრიოტიზმი. ნათელაშვილი და სააკაშვილი დღეს ყვარყვარიზმის საუკეთესო განსახიერებაა და „რუსთავი 2“ არის ანარეკლი სიცრუის ტირაჟირების. საკუთარ მოსახლეობას როგორ ექცევიან, მოსახლეობის რაღაც ნაწილი მსხვერპლი როგორ გახდა? პენსიონერები, რომლებსაც მე უდიდეს პატივს ვცემ ტელევიზორზე მიჯაჭვულები არიან და ელოდებიან რაც შეიძლება სწრაფად გაიუმჯობესონ პირობები. არ უყვართ ქვეყანა, რომ არ უყვარს ესაა არანორმალური, ყვარყვარეა სიმბოლო მათი ლიდერების“,- განაცხადა ივანიშვილმა.