სააკაშვილის განცხადებას, რომ ის უახლოეს პერიოდში საქართველოში ჩამოსვლას გეგმავს, „ქართული ოცნების“ ვაკის მაჟორიტარი დეპუტატობის კანდიდატი ზაზა ხუციშვილი „მარშალპრესთან“ ეხმაურება. მისი თქმით, წინა ხელისუფლების მმართველობის პერიოდში ჩადენილი ძალიან ბევრი დანაშაული, სწორედ მიხეილ სააკაშვილის კვალზე გადის და იმ შემთხვევაში თუ ის საქართველოში ჩამოვა – დააკავებენ:
„ეს კაცი დიდი ხანია საქართველოს მოქალაქე აღარ არის და საერთოდ გაუგებარია, „ნაციონალური მოძრაობა“ რომ საუბრობს სააკაშვილის ჩამოსვლაზე, მას რა სტატუსით ლობირიბენ? მიხეილ სააკაშვილი არის ადამიანი, რომელმაც თავდაცვის მინისტრად ახალია და პრემიერ–მინისტრად მერაბიშვილი დააწინაურა. ამით მან ხელი მოაწერა, ყველა იმ დანაშაულებრივ ქმედებებს, რომელსაც არამარტო ორი, არამედ უამრავი ადამიანი სჩადიოდა. ბრძანება მოდიოდა სწორედ სააკაშვილისგან, სხვა შემთხვევაში ამ ადამიანებს მოიშორებდა, ამიტომ ეს არ უნდა დაავიწყდეს ქართველ ხალხს. ის ილუზია რომ თითქოს, ისინი შეიცვალნენ და დასკვნები გამოიტანეს, არავითარი დასკვნები არ გამოუტანიათ, მათი, პირველი რეალური ნომრით – მიხეილ სააკაშვილია.
სააკაშვილმა პროკურატურასთან თანამშრომლობას რამდენჯერმე აარიდა თავი, რაც ძალიან ცუდია, ეს პირდაპირი ბრძოლაა სახელმწიფო ინსტიტუტებთან. ძალიან ბევრ დანაშაულში კვალი სწორედ მისკენ მიდის, აქედან გამომდინარე, მოტივი რომ ის უნდა დააკავონ – არსებობს“, – აცხადებს ზაზა ხუციშვილი “მარშალპრესთან”.
www.marshalpress.ge