„რუსთავი 2“-ის გენერალური დირექტორი ნიკა გვარამია, როგორც ჩანს ქართველი რობესპიერია, მაგრამ უნდა იცოდეს, რომ ასეთები გილიოტინის ქვეშ ასრულებენ სიცოცხლეს, – ამის შესახებ “თავისუფალი დემოკრატების“ ერთ-ერთმა ლიდერმა გია ცაგარეიშვილმა ჟურნალისტებს ნიკა გვარამიას გუშინ გაკეთებულ განცხადებაზე კომენტირებისას განუცხადა.
„რევოლუცია მე მეზიზღება ნებისმიერი დაწყებული დიდ ოქტომრის სოციალისტური რევოლუციით, დამთავრებული ვარდების რევოლუციით. მე მიყვარს ევოლუცია, მე მიყვარს არჩევნებში მონაწილეობა, სადაც საარჩევნო ყუთთან გადაწყდება არჩევნების ბედი და არა ყუთის დამხობა თავზე ამომრჩევლისთვის, ცემა-ტყეპა, დარბევები, ციხეში მამაკაცების გაუპატიურება, ეს არის „ნაციონალური მოძრაობის“ სტილში რევოლუცია და ბატონი გვარამიაც შორს არ არის „ნაციონალური მოძრაობიდან“ ამას თვითონაც აღიარებს”, – განაცხადა გია ცაგარეიშვილმა.