ბევრს ეამაყება, რომ მას კოვიდის არ ეშინია და ამიტომ ყველანაირ შეზღუდვებს უარყოფენ და ზოგი პრინციპულად არ ემორჩილება შეზღუდვებს, რომ დაამტკიცოს – ძლიერი ვაჟკაცია და კოვიდის არ ეშინია, – ამის შესახებ ინფექციური საავადმყოფოს დირექტორმა, თენგიზ ცერცვაძემ ჟურნალისტებს განუცხადა.
„განსაკუთრებით ახალგაზრდები, ამბობენ, რომ „რა მოხდა, რატომ უნდა მოვიკლოთ კოვიდის გამო რამე? ჩვენ არ გვეშინია კოვიდის“. ბევრს ეამაყება, რომ არ ეშინია კოვიდის და ამიტომ უარყოფენ ყველანაირ შეზღუდვებს. ზოგი გამოწვევად და პრინციპულად არ ემორჩილება შეზღუდვებს, რათა დაამტკიცოს ძლიერი და ყოჩაღია. მოგიწოდებთ ასეთ ადამიანებს, რომლებიც შეგნებულად, გააზრებულად თუ გაუაზრებლად ახდენთ კოვიდის საფრთხის იგნორირებას – ეს არის ძალიან დიდი შეცდომა. ვისაც არ გეშინიათ ხვალ რომ დაგემართოთ სულ სხვანაირად ალაპარაკდებით, მე მყავს არაერთი ათეული ახალგაზრდა და არა მხოლოდ ახალგაზრდა ნანახი, რომელიც სულ სხვა ტექსტით ლაპარაკობდა და როდესაც ავად გახდა, ის არის მძიმე მდგომარეობაში და ახლა დახმარებას ითხოვს“, – განაცხადა თენგიზ ცერცვაძემ.