ბათუმის რესპუბლიკურ საავადმყოფოში 32 წლის ქალის გარდაცვალებასთან დაკავშირებით ახალი დეტალები გახდა ცნობილი.
როგორც კლინიკის მენეჯერმა, გიორგი კიკაბიძემ განმარტა, კომპიუტერული ტომოგრაფიის შედეგად გამოჩნდა, რომ პაციენტს ფილტვის 80 პროცენტი დაზიანებული ჰქონდა.
„გუშინ რესპუბლიკურ საავადმყოფოში გარდაიცვალა 32 წლის ქალბატონი, რომელიც ოთხ ნოემბერს შემოიყვანეს კლინიკაში. შემოყვანისთანავე ავადმყოფის მდგომარეობა იყო მძიმე. აღენიშნებოდა სუნთქვის მწვავე უკმარისობა, ციანოზი იყო გამოხატული. სასწრაფოდ გაუკეთდა კომპიუტერული ტომოგრაფია, სადაც გამოჩნდა ფილტვის 80 პროცენტის დაზიანება. იმ წუთასვე გადავიყვანეთ რეანიმაციულ განყოფილებაში და რამდენიმე საათში დაგვჭირდა ინტუბაცია. მიუხედავად ჩატარებული მკურნალობისა, მისი მდგომარეობა არ გაუმჯობესდა. განვითარდა მწვავე რესპირაციული დისტრეს სინდრომი, რასაც დაერთო თირკმლის მწვავე უკმარისობა და სამწუხაროდ, გუშინ გარდაიცვალა“, – განაცხადა გიორგი კიკაბიძემ.