ახალქალაქის, კუმურდოსა და კარის მიტროპოლიტმა ნიკოლოზ ფაჩუაშვილმა რამდენიმე დღის წინ კორონავირუსი დაამარცხა. მანამდე მიტროპოლიტი სოციალურ ქსელში კორონავირუსით დაინფიცირებულებს მოუწოდებდა, დეპრესიაში არ ჩავარდნილიყვნენ და ევარჯიშათ.
მას შემდეგ, რაც მიტროპოლიტმა კორონავირუსი დაამარცხა, პირველი რაც გააკეთა, რესპუბლიკური საავადმყოფოს რეანიმაციული განყოფილების კურთხევა იყო.
მოგვიანებით კი მიტროპოლიტმა კორონავირუსზე ლექსი დაწერა.
„აღარ მაშინებს ვირუსი, „პისიარი“ მაქვს მინუსი“,- წერს მეუფე ნიკოლოზი.
“ყველას გმადლობთ ლოცვისა და კეთილი სურვილებისათვის!
„პირველი სიმპტომები შაბათს, 31.10 გამომიჩნდა. თავიდან უბრალოდ გაცივება მეგონა, მაგრამ შემდეგ დავკარგე ყნოსვა და გემო, მიჭირდა გამოღვიძება და ცხვირსა და ყელში ამოსუნქვისას სიმხურვალეს ვგრძნობდი. პირველი pcr ანალიზი, რომელმაც ვირუსი დამიდასტურა, ოთხშაბათს, 4.11 გავიკეთე. კვირის ბოლოს ავადმყოფობამ უკან დაიხია. თვითიზოლაციაში 2 კვირა გავატარე და გუშინ, შაბათს, 14.11 ჯერ სწრაფმა ტესტმა, ხოლო, მოგვიანებით pcr უარყოფითი პასუხი აჩვენა, ანუ ვირუსი აღარ მაქვს. ამ მიზეზის გამო მცირე ლექსიც კი შევთხზი“, – ასე აღწერა ავადმყოფობის ისტორია მიტროპოლიტმა.