კორონავირუსისგან ზუგდიდში მცხოვრები, 85 წლის კაცი გამოჯამრთელდა. ის ფოთის კოვიდკლინიკაში მკურნალობდა. გამოჯანმრთელებული ჟორა ფარცვანია Imedinews-თან აცხადებს, რომ თანმხლები ქრონიკული დაავადების მიუხედავად, ექიმების ძალისხმევით ვირუსი მსუბუქად გადაიტანა და მკურნალობის სრული კურსის გავლის შემდეგ ინფექცია საბოლოოდ დაამარცხა.
მისივე თქმით, პირველ ნოემბერს ვირუსის დამხასიათებელი ჩივილებით მიმართა უბნის ექიმს. მას ჩაუტარდა PCR კვლევა და COVID-19 დაუდასტურდა. ინფიცირებული ჯერ სენაკის ჰოსპიტალში მკურნალობდა, შემდეგ ფოთის კოვიდკლინიკაში, სადაც ვირუსისგან განიკურნა. „პირველად სიცხე მქონდა 38. შვილებმა მიმართეს ოჯახის ექიმს, მერე დავრეკეთ 112-ში. გავიარე სრული კურსი. ექიმები ძალიან დამეხმარნენ ძალ-ღონეს არ იშურებდნენ. მეც მსუბუქად გადამქონდა. ერთადერთი ვუჩიოდი უმადობას. ახლა კარგად ვარ, სიცხე არ მაქვს, თავისუფლად დავდივარ, მაშინ კი სიარულიც მიჭირდა და ძვლებში მამტვრევდა. მაქვს ჰემატომა ფილტვების, მაგრამ ექიმებმა ყველაფერი გააკეთეს და მე ეს ვირუსი დავამარცხე. მადლობა ექიმებს, მათი დახმარებით დავუბრუნდი ოჯახს“, – განაცხადა ჟორა ფარცვანიამ.