მაჟორიტარობის დეპუტატობის კანდიდატის ავთანდილ (ზურა) ჩხაიძის საარჩევნო შტაბის საგანგებო განცხადება ოზურგეთელი ამომრჩევლების საყურადღებოდ!
მიმდინარე წლის 28 სექტემბერს „გურია ნიუსი”-ს სტუდიაში შედგა წინასაარჩევნო დებატები მაჟორიტარი დეპუტატობის კანდიდატებს შორის.კერძოდ, ავთანდილ(ზურა) ჩხაიძესა (პარტია “ნინო ბურჯანაძე – დემოკრატიული მოძრაობა“) და არჩილ თალაკვაძეს(პარტია “ქართული ოცნება’’) შორის. დებატებისას ავთანდილ ჩხაიძის მიერ გაჟღერდა ინფორმაცია, რომ არჩილ თალაკვაძის წარსული საქმიანობა და ბიოგრაფია მჭიდროდაა დაკავშირებული ნაციონალური მოძრაობის ყველასთვის ცნობილ სახეებთან, თავისუფლების ინსტიტუტის თუ ჯორჯ სოროსის ფონდის ლიდერებთან. იქვე გამოითქვა გონივრული ეჭვი, რომ თალაკვაძე რეალურად „ქართულ ოცნებაში“ ნაციონალური მოძრაობიდან პორტირებულ პირთა რიცხვს მიეკუთვნება.
არჩილ თალაკვაძემ კატეგორიულად უარყო დასახელებულ პირებთან (ალექსანდრე ლომაია, დავით დარჩიაშვილი, გიორგი ტუღუში) მუშაობის ფაქტი, თუმცა სოროსის ფონდისადმი კეთილგანწყობა და მადლიერება დაადასტურა.
არჩილ თალაკვაძის მიერ გამოქვეყნებული საკუთარი ბიოგრაფის და ინტერნეტ სივრცეში განთავსებული მასალების (ბიოგრაფიები, საგაზეთო სტატიები)ზოგადად გადათვალიერებაც კი ნათელს ხდის, რომ დეპუტატობის ახალგაზრდა კანდიდატი ცრუობს და მის ამ ადამიანებთან ახლო დამოკიდებულებას მონდომებით ჩქმალავს. მაშინ როდესაც ფაქტია,რომ 2007 წლიდან 2012 წლამდე არჩილ თალაკვაძე დასაქმებული იყო სხვადასხვა თანამდებობებზე ფონდ „ღია საზოგადოება – საქართველოში“, სახალხო დამცველის ოფისში და სასჯელაღსრულების სამინისტროში დავით დარჩიაშვილის, გიორგი ტუღუშის და სოზარ სუბარის ხელმძღვანელობით.
კერძოდ, ფონდ ‘’ღია საზოგადოება საქართველო”-ში’ დავით დარჩიაშვილის აღმასრულებელი დირექტორობისას ანუ 2007 წელს არჩილ თალაკვაძე მუშაობდა ამავე ფონდის პროექტის მენეჯერად. 2008- 2009წლეებში საქართველოს სახალხო დამცველის – სოზარ სუბარის მრჩევლად, ხოლო 2009- 2011 წლეებში საქართველოს სახალხო დამცველის – გიორგი ტუღუშის თანაშემწედ. აღსანიშნავია, რომ ამ წლეებში მოხდა ადამიანის უფლებათა დარღვევის უპრეცედენტო ფაქტები – 26 მაისის მშვიდობიანი მიტინგის დარბევა და საპატიმრო დაწესებულებებში, პატიმართა მასობრივი წამება-გაუპატიურებები,რომელიც ხანგრძლივი პერიოდის განმავლობაში შეუმჩნეველი რჩებოდა ამ უფლება დამცველების მხრიდან!
2012 წლის ოქტომბრიდან იგი დაწინაურებული იქნა სასჯელაღ¬სრუ¬ლებისა და პრობაციის ახლად დანიშნული მინისტრის, სოზარ სუბარის მოადგილედ.
ისმის კითხვა, ვინ იყვნენ ეს ადამიანები, რომლებთანაც პროფესიონალურ ზრდას და კარიერულ წინსვლას ახერხებდა ბატონი არჩილი?! როგორც ირკვევა მათი უმრავლესობა ე.წ დასავლეთის მიერ დაფინანსებული ცნობილი არასამთავრობო ორგანიზაციების აღზრდილები და ‘’ნაციონალური მოძრაობის’’ აქტივისტები არიან!
სოზარ სუბარი – 2003-2004 წლებში ყველასათვის კარგად ცნობილ „თავისუფ¬ლე¬ბის ინსტიტუტში“ მოღვაწეობდა.
ამავე ინსტიტუტის კედლებშია გაზრდილი გიორგი ტუღუშიც და დღესდღეისობით იგი „ნაციონალური მოძრაობის“ პროპორციული სიის მე-5 ნომერია!
დავით დარჩიაშვილი -ფონდ „ღია საზოგადოება – საქართველოს,” აღმასრულებელი დირექტორი გახლდათ 2004-2008 წლებში, შემდეგ „ნაციონალური მოძრაობიდან“ პარლამენტის წევრი და ახლაც იგი ამავე პარტიის პროპორციულ სიაში 42-ე ნომრადაა წარმოდგენილი!
საყოველთაოდ ცნობილია რომ ‘’ნაციონალური მოძრაობის’’ ლიდერთა სამჭედლო, „თვისუფლების ინსტიტუტი’’ და ფონდი ‘’ღია საზოგადოება -საქართველო,’’ სწორედ “ვარდების რევოლუციის’’ შემოქმედის და სულის ჩამდგმელის ჯორჯ სოროსის დაფუძნებული ორგანიზაციებია. ასევე ცნობილია სოროსისა და მისი აღზრდილების დამოკიდებულება ქართული ცნობიერებისა და მართლმადიდებლური სარწმუნოების მიმართ.
ზემოაღნიშნულიდან გამომდინარე, გიკვირვებას იწვევს ის ფაქტი რომ სუბარის, დარჩიაშვილის და ტუღუშის მიერ ხანგრძლივი დროის განმავლობაში მომზადებული და კარგად “შეფუთული” კადრი წარმოადგინა ქართულმა ოცნებამ ოზურგეთის მაჟორიტარობის კანდიდატად!
სხვათაშორის, თუ მის გამოსვლებს ყურადღებით დააკვირდებით, დაინახავთ, რომ ბატონი არჩილი დღესაც ნაციონალური მოძრაობის ე.წ. ლიბერალური იდეების და დასავლეთის სოროსული ინტერესების გამტარებელია საქართველოში!
კარგად დაფიქრდით ოზურგეთელებო, ყველაფერი ოქრო არ არის რას ბრწყინავს!!
გთავაზობთ ცალკეულ ბიოგრაფიებსა და ინტერნეტ პუბლიკაციებს „ღია საზოგადოება -საქართველოსა“ და „თავისუფლების ინსტიტუტის“ ლიდერებსა და მათ საქმიანობაზე წარმოდგენის შესაქმნელად.