კახეთში კორონავირუსით კიდევ ერთი პაციენტი გარდაიცვალა. imedinews-ის ინფორმაციით, 70 წლის კაცი მკურნალობის კურსს ლაგოდეხის „არქიმედეს“ კლინიკაში გადიოდა, თუმცა მედიკოსების შეფასებით, თანმხლები დაავადებების გამო, მისი გადარჩენა ვერ მოხერხდა.
გარდაცვლილი დედოფლისწყაროდან იყო და ის კლინიკაში რამდენიმე დღის წინ მოათავსეს.
ბოლო მონაცემებით, ეს რეგიონში კორონავირუსით გარდაცვლების 24-ე შემთხვევაა.
კორონავირუსით დაინფიცირების და ლეტალური შემთხვევების ზრდის ფონზე, ეპიდემიოლოგები, მოქალაქეებს ჯანდაცვის უწყებების მიერ დაწესებული რეკომენდაციების გათვალისწინებისკენ კიდევ ერთხელ მოუწოდებენ.
კომენტარები