ჩინეთის ყოფილი პრემიერ-მინისტრი ჭუ ჟუნძი 98 წლის ასაკში გარდაიცვალა. ინფორმაციას ჩინური მედია ავრცელებს.
ჭუ ჟუნძი ჩინეთის კომუნისტური პარტიის მე-14 და მე-15 ცენტრალური კომიტეტების პოლიტბიუროს მუდმივი კომიტეტის წევრი იყო.
„ჩინეთის კომუნისტური პარტიის ცენტრალური კომიტეტის, ეროვნული სახალხო კონგრესის მუდმივი კომიტეტის, სახელმწიფო საბჭოსა და ჩინეთის სახალხო პოლიტიკური საკონსულტაციო კონფერენციის ეროვნული კომიტეტის მიერ ერთობლივად გავრცელებულ სამძიმრის განცხადებაში ჭუ ჟუნძი დახასიათებულია როგორც „პარტიის გამორჩეული წევრი, დროში გამოცდილი და ერთგული კომუნისტი მებრძოლი, ასევე გამოჩენილი პროლეტარი რევოლუციონერი, სახელმწიფო მოღვაწე და პარტიისა და სახელმწიფოს ლიდერი“, – წერს ჩინური მედია.
ჭუ ჟუნძი ჩინეთის მთავრობას 1998-2003 წლებში ხელმძღვანელობდა. მას ჩინეთის ეკონომიკური რეფორმების მთავარ არქიტექტორს უწოდებენ.