საქართველოს მესამე პრეზიდენტი მთავრობის მიერ გამოცხადებულ შეზღუდვებთან დაკავშირებით განცხადებას აკეთებს. მიხეილ სააკაშვილი ვიდეო-მიმართვაში აღნიშნავს, რომ შეზღუდვები ხელისუფლებას საკუთარი ინტერესების გასატარებლად სჭირდება.
“სრულიად აბსურდული, არალოგიკური და, რა თქმა უნდა, თავისი ტყავის გადარჩენისთვის გაკეთებული გადაწყვეტილება. სილამაზის სალონებს არ კეტავთ, არც უნდა დაკეტოთ და კეტავთ დიდ სავაჭრო ცენტრებს? რანაირად არის სილამაზის სალონი უფრო უსაფრთხო, ვიდრე დიდი სავაჭრო ცენტრი? როგორ არის, რომ 24-ში ისევ გაიღება? ესე იგი, ახალ წელს, არდადეგებზე მიდის ვირუსი სადმე? რამე საგზური აქვს აღებული? თუ სულ სხვა რაღაცაა, გინდათ ახლა სასწრაფოდ კონტრაბანდით შეიყვანოთ თქვენი დანაშაულებრივი გზით დანიშნული, არალეგიტიმური, უკანონო პარლამენტი, უბრალოდ ამისთვის გჭირდებათ და ხალხი ფეხებზე გკიდიათ. და ის 10 მილიარდი სად წავიდა რომელიც თქვენ აიღეთ? ის კაპიკები, რომელსაც ხალხს უგდებთ, ესაა 10 მილიარდის ხარჯვა? რომელიც თქვენ დახარჯეთ თქვენს ტენდერებზე, თქვენს ბიზნესებზე, თქვენს კარგად ყოფნაზე? მოკლედ, მთავრობას უნდა რომ ჩაკეტოს ხალხი, ერთადერთი გამოსავალია, რომ ხალხმა ჩაკეტოს ეს ოცნების მთავრობა და ამოისუნთქოს შვებით, მერე პარალელურად ვირუსსაც დავამარცხებთ და წელშიც გავიმართებით,”-აცხადებს მიხეილ სააკაშვილი.