მედიაჰოლდინგ “კვირას” დამფუძნებელი, ჟურნალისტი ქეთი ხოსიტაშვილი სოციალურ ქსელში პოსტს აქვეყნებს, რომელსაც უცვლელად გთავაზობთ.
“ფაქტის წინაშე ვართ.
ეს მოცემულობა გვაქვს, სამწუხაროდ…
ხვალიდან ისევ საკუთარ თავთან გამოვიკეტებით.
ვიფიქრებთ გადარჩენაზე, ერთმანეთზე, იმ კინოზე, რომლის მონაწილეებიც უნებლიედ აღმოვჩნდით…
ზოგჯერ გავბრაზდებით, ხშირად გვეტკინება, დამნაშავეების ძებნას გარეთ დავიწყებთ, მერე ისევ ვიფიქრებთ, ბევრს ვიფიქრებთ და დავბრუნდებით იქ, სადაც ვართ – საკუთარ თავთან, საკუთარ რეალობაში.
ჩვენს შორის ვისაც უფრო მეტად ოპტიმისტია, ვისაც – ვერ, მაგრამ მჯერა, განწყობა და რწმენა თუ არა, თვითგადარჩენის ინსტიქტი მაინც გადაგვარჩენს…როგორც ეს არაერთხელ გაგვივლია…
მჯერა, ისევ გავკეთილდებით, ბრაზს გავუშვებთ, მოვძებნით გზებს და გამოსავალს, ვიფიქრებთ მეორე ადამიანის დახმარებასა და მხარდაჭერაზეც და ზუსტად ვიცი, გამოგვივა ❤
საკუთარ თავს და ერთმანეთს დღეს, როგორც არასდროს, ისე ვჭირდებით და აუცილებლად უნდა მოვაგროვოთ პოზიტიური ენერგია – ის ახლა ყველაზე მთავარია!
ჩვენ ერთი სახლი ვართ, მისი აგურები ვართ და ყველამ ერთად ვეცადოთ, შევინარჩუნოთ ჩვენი წილი კედლები, მოვუაროთ, გავუფრთხილდეთ.
ამ სახლის ისტორია ჩვენ არ დაგვიწყია, არც აგვირჩევია. ის წინაპრების ფუძეა, ძალიან მყარი საძირკველით, ბევრი ისტორიით, ტრადიციებით, წეს-ჩვეულებებით, საამაყო ამბებით…
ეს სახლი, რომელიც მემკვიდრეობით გვერგო, აუცილებლად უნდა შემოვუნახოთ შვილებს, გადავარჩინოთ ნგრევისგან, ვალდებულები ვართ! ღირსეულად უნდა გავგრძელდეთ…
“მე ჩემი წილი ქვეყნის ერთი პატარა აგური ვარ და უთქვენოდ არაფერი გამომივა ❤” – წერს ჟურნალისტი.