ჯანდაცვის მინისტრის ეკატერინე ტიკარაძის ინფორმაციით, ქვეყანაში ყველაფერი კეთდება იმისთვის, რომ მოხდეს საწოლფონდის დეფიციტის აღმოფხვრა.
„წინა კვირაში ჩვენ გვქონდა 6 ათასი საწოლი და ორშაბათიდან ჩვენ გვაქვს 7 100 საწოლი. მოხდა ათასი საწოლის დამატება“, – აღნიშნა ჯანდაცვის მინისტრმა.
ჯანდაცვის მინისტრის ეკატერინე ტიკარაძის განცხადებით, საავადმყოფოებში ჟანგბადის პრობლემა გადაჭრილია.
კორონავირუსის სამკურნალოდ ქვეყანაში არსებულ რესურსზე საუბრისას ტიკარაძემ აღნიშნა, რომ 564 თავისუფალი საწოლია, ფილტვის ხელოვნური ვენტილატორის რაოდენობა კი 430-ია.
როგორც ტიკარაძემ განაცხადა, ჟანგბადის წარმომქმნელი აგრეგატი უკვე დამონტაჟდა რუხის საავადმყოფოში, შემდეგი კი ბათუმის რესპუბლიკური საავადმყოფო იქნება.
კომენტარები