კორონავირუსით 24 წლის გოგო გარდაიცვალა, რომელიც მცხეთის სამედიცინო ცენტრში იყო მოთავსებული. გავრცელებულ ვერსიას, რომ გარდაცვლილ პაციენტს შაქრიანი დიაბეტი ჰქონდა, ოჯახი უარყოფს.
როგორც გარდაცვლილის დეიდაშვილი ამბობს, გოგო სამედიცინო ცენტრში სუნთქვის უკმარისობისა და სისუსტის გამო გადაიყვანეს და მედიკოსების თქმით, მისი მდგომარეობა 10 დღის განმავლობაში სტაბილური იყო.
გუშინ 24 წლის პაციენტის მდგომარეობა უკიდურესად დამძიმდა და რეანიმაციულ განყოფილებაში გადაიყვანეს. მისი გადარჩენა ვერ მოხერხდა.
პაციენტის ოჯახი ექიმების დაუდევრობასა და დაგვიანებულ მკურნალობაზე საუბრობს.
კომენტარები