საფრანგეთის დედაქალაქ პარიზში, პოლიციის მხრიდან ფერადკანიანი მამაკაცის მიმართ ფიზიკური შეურაცხყოფის გამო, მორიგი საპროტესტო აქცია გაიმართა.
დემონსტრანტების ნაწილმა მაღაზიის ვიტრინები ჩაამსხვრია და ქუჩებში ბარიკადები აღმართა. პოლიციამ აქცია ცრემლსადენი გაზის გამოყენებით დაშალა.
მედიის ინფორმაციით, დაკავებულია სულ მცირე 30 აქტივისტი.
ინფორმაციისთვის, საფრანგეთში აქციები მას შემდეგ დაიწყო რაც, სოციალურ მედიაში ფერადკანიანი მუსიკალური პროდიუსერის სიტყვიერი და ფიზიკური შეურაცხყოფის ამსახველი ვიდეო გავრცელდა. ამასთან, საფრანგეთის ხელისუფლება განიხილავს კანონს, რომელიც პოლიციელთა უფლებამოსილების გაზრდას ითვალისწინებს და მოსახლეობას მათი მაიდენტიფიცირებელი ფოტო და ვიდეომასალის გადაღებას აუკრძალავს.
კომენტარები