რეჟისორი გოგა ხაინდრავა პოლიტიკოს კობა დავითაშვილის გარდაცვალებას ეხმაურება. ის დეპუტატის ცემას მკვლელობის მცდელობას უწოდებს და კითხვას სვამს, იზიარებენ თუ არა ოპოზიციურ ერთობაში შემავალი პარტიები მომხდარზე პასუხისმგებლობას.
„იმ პასუხისმგებლობას იზიარებენ კობა დავითაშვილის მკვლელობაზე, ვინც იმ ფანჩატურში ბოკერიასთან და უგულავასთან სხედან? იმიტომ რომ ბოკერია და უგულავა თანამონაწილეები არიან კობა დავითაშვილის მკვლელობის. ეს იყო მკვლელობა, უბრალოდ დროში გაიწელა“, – აღნიშნავს რეჟისორი.
კობა დავითაშვილი 49 წლის ასაკში 2 დეკემბერს ალადაშვილის სახელობის კლინიკაში გარდაიცვალა. მას ე.წ. ბეხტერევის დაავადება ჰქონდა და 25 ნოემბრიდან მართვით სუნთქვაზე იმყოფებოდა.
კობა დავითაშვილს დაავადება 2017 წელს დაუდგინდა.
„ხალხის პარტიის“ თავმჯდომარე კობა დავითაშვილი საქართველოს პარლამენტის 4 მოწვევის დეპუტატი და თბილისის საკრებულოს წევრი იყო. აქტიური პოლიტიკური საქმიანობა მან 2013 წელს შეწყვიტა საპრეზიდენტო არჩევნების შემდგომ, რომელშიც კენჭს პრეზიდენტობის კანდიდატად იყრიდა.