ბათუმში “პატრიოტთა ალიანსის” წინასაარჩევნო მიტინგი მიმდინარეობს. ევროპის მოედანზე შეკრებილ მხარდამჭერებს სიტყვით პარტიის ლიდერები მიმართავენ.
როგორც დავით თარხან-მოურავმა შეკრებილებს განუცხადა, “ქართველები თავისსავე ქვეყანაში დაჩაგრულად გრძნობენ თავს”, რაც უნდა შეიცვალოს 8 ოქტომბერს “პატრიოტთა ალიანსის” მხარდაჭერის შემთხვევაში.
“რატომ ვიკრიბებით ბათუმში და არა თბილისში ან ქუთაისში? იმიტომ, რომ აქ უჭირს ყველაზე მეტად ქართველ კაცს, აქ არის ფრონტის ხაზი, აქ ყველაფერი თურქებისაა. მივმართავთ ხელისუფლებას, საქართველო რომ ქვია ქვეყანას, ჯერ ჩვენ უნდა ვცხოვრობდეთ ყველაზე კარგად და მერე დანარჩენი სხვა. 8 ოქტომბერს ყველანი არჩევნებზე”, – აღნიშნა დავით თარხან-მოურავმა. პარტიის ლიდერმა ირმა ინაშვილმა შეკრებილ მხარდამჭერებს კანდიდატები წარუდგინა და მხარდაჭერისკენ მოუწოდა.