ხშირია შემთხვევები, როდესაც მოქალაქეები კოვიდ-სასტუმროში განთავსებაზე უარს ამბობენ. ამის შესახებ უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე ჯანდაცვის მინისტრმა განაცხადა. ეკატერინე ტიკარაძემ მოსახლეობას მოუწოდა მეტი სანდოობა გამოჩინონ ჯანდაცვის უწყების მიერ შეთავაზებული კომპონენტების მიმართ.
„მინდა ისინი დავარწმუნო, რომ სასტუმროებში ჩვენ გვაქვს ყველა ის საჭირო კომპონენტი, რომელიც ექიმის გადაწყვეტილებით პაციენტს ესაჭიროება. ეს არის როგორც ჟანგბადის კონცენტრატორები, ასევე მედიკამენტოზური მკურნალობა. ვთხოვ ჩვენს მოქალაქეებს გამოიჩინონ მეტად უფრო მაღალი სანდოობა იმ მოცემულ ახალ კომპონენტებთან, რომელსაც ჯანდაცვის სამინისტრო მათ სთავაზობს“, – აღნიშნა ტიკარაძემ.
კომენტარები