ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ პირველი იქნება, ვინც კორონავირუსის საწინააღმდეგო ვაქცინას გაიკეთებს.
დღეს ისრაელმა Pfizer/BioNTech-ის კორონავირუსის საწინააღმდეგო ვაქცინის პირველი პარტია მიიღო.
„მჯერა ამ ვაქცინის. მოველი, რომ უახლოეს დღეებში Pfizer/BioNTech-ის ვაქცინა შესაბამის ლიცენზიას მიიღებს. მინდა, რომ ისრაელის მოქალაქეებმა ვაქცინაცია გაიარონ. მსურს მათთვის მაგალითი ვიყო და ისრაელში პირველი ვიქნები, ვინც ვაქცინას გაიკეთებს“, – აღნიშნა ისრაელის პრემიერ-მინისტრმა.
ბენიამინ ნეთანიაჰუმ ასევე განაცხადა, რომ პანდემია ჯერ არ დასრულებულა და მოქალაქეებს შეზღუდვების დაცვისკენ მოუწოდა.
„ვხედავთ დასასრულს, თუმცა ჯერ კიდევ უნდა დავიცვათ წესები, როგორიცაა პირბადის ტარება, ხელების ჰიგიენა და დისტანცირების დაცვა, მაგრამ დასასრული ჩანს. ჩემთვის მნიშვნელოვანია, რომ ისრაელის მოქალაქეებმა ვაქცინაცია გაიარონ“, – დასძინა ისრაელის პრემიერმა.