რატომ არ უნდა ალეკო ელისაშვილს, რომ ხალხს ჰკითხოს, უნდა ჩატარდეს თუ არა ხელახალი არჩევნები, რატომ დაავიწყდა უცებ ხალხი?– ამის შესახებ „ტაბულას“ დამფუძნებელმა, თამარ ჩერგოლეიშვილმა „ტვ პირველის“ ეთერში განაცხადა.
მისივე თქმით, მას არასდროს უთქვამს, რომ ხმების გადათვლა არ სურს, თუმცა აქ გასარკვევია როგორ, ვინ და სად გადაითვლის.
„ვისაც პოლიტიკა აინტერესებს, „თამაშთა თეორიაში“ პატიმრების დილემას ჩახედოს. მიუხედავად იმისა, რას უნდა ვფიქრობდეთ ერთმანეთზე, პატიმრების დილემიდან გამომდინარე კოორდინირებული მუშაობა გვირჩევნია საერთო სიკეთის მისაღებად, ვიდრე ერთმანეთისთვის ფეხის დადება“, – განაცხადა თამარ ჩერგოლეიშვილმა.
ელისაშვილმა დღეს, საკუთარ გვერდზე გავრცელებულ ვიდეომიმართვაში აღნიშნა, რომ „ევროპული საქართველო“, ფასილიტატორი ელჩების ჩართულობით, „ქართულ ოცნებასთან“ მიმდინარე მოლაპარაკებების ჩაშლას და დეტალების გარეთ გამოტანას ცდილობს. ელისაშვილის შეფასებით, „ბოკერია და უგულავა საბოტაჟით არიან დაკავებული“.