ანგელა მერკელი დღესასწაულის პერიოდში კარანტინის წესების გამკაცრების წინადადებით გამოვიდა. ამის შესახებ გერმანიის კანცლერმა ბუნდესტაგში სიტყვით გამოსვლის დროს განაცხადა. ინფორმაციას „დოიჩე ველე“ ავრცელებს.
გერმანიის კანცლერმა 24 დეკემბრიდან 10 იანვრამდე სკოლებისა და მაღაზიების დახურვის შესახებ განაცხადა. მერკელმა ქვეყნის მთავრობას სკოლებში საშობაო არდადეგების დროზე ადრე, 16 დეკემბრიდან დაწყებისკენ მოუწოდა.
„წინააღმდეგ შემთხვევაში ჩვენ ისევ და ისევ დავკარგავთ კონტროლს პანდემიაზე“, – აცხადებს ანგელა მერკელი.
კანცლერის აზრით, პანდემიასთან ბრძოლის მთავარი იარაღი არა მხოლოდ შეზღუდვების დაწესება, არამედ მათ შესასრულებლად თითოეული ადამიანის პასუხისმგებლიანი ქცევაა.
ანგელა მერკელი ვაქცინაციის დაწყების შემდგომ ქვეყანაში სიკვდილიანობის მაჩვენებლის შემცირების იმედს გამოთქვამს.