ჯანდაცვის სამინისტროს ახალი პროგრამის გამო, რომლის განხორციელებაც 2021 წლის იანვრიდან დაიწყება, კლინიკა „გულის“ დამფუძნებელი, ანზორ მელია ეკატერინე ტიკარაძეს მადლობას უხდის.
საუბარია 2.6 მილიონი ლარის ღირებულების პროექტზე, რომელიც კლინიკებისთვის კარდიოვერტერ-დეფიბრილატორების შესყიდვას და მათთვის უსასყიდლოდ გადაცემას გულისხმობს.
მნიშვნელოვანია გარემოება, რომ ჯანდაცვის მინისტრის მიერ 2019 წელს მიღებული 520-ე დადგენილება კლინიკებისთვის განსაკუთრებულად პრობლემური სწორედ დეფიბრილატორების გამო იყო. კლინიკები მიუთითებდნენ, რომ დეფიბრილატორის შეძენის ზღვრული ტარიფი, რაც მთავრობამ დადგენილებით გაწერა, ამ აპარატების შესყიდვის საბაზრო ღირებულებაზე დაბალი იყო.
„ეკატერინე ტიკარაძეს ტაში ეკუთვნის ამ ნაწილში“ – ასე აფასებს კლინიკა „გულის“ დამფუძნებელი აღნიშნულ გადაწყვეტილებას, რადგან როგორც თავად ამბობს, რომ 520-ე დადგენილებით გაწერილი ტარიფები იმდენად დაბალი იყო, რომ ნახევარ წელზე მეტია, რაც კარდიოვერტერ-დეფიბრილატორის იმპლანტაცია არ გაუკეთებია
წყარო: BM.GE