არ გაავრცელოთ ცრუ ინფორმაცია, მოსახლეობა არ მოატყუოთ. ეს არის მიზანმიმართულად მიწების დატაცება, – ამის შესახებ თბილისის მერმა კახა კალაძემ აფრიკის დასახლებაში სახლების დემონტაჟის დროს მომხდარი ინციდენტის შეფასებისას განაცხადა.
კალაძის თქმით, იგი არ გამორიცხავს, რომ ამის უკან იდგნენ გარკვეული ჯგუფები, რომლებიც ხელს ითბობენ ასეთ გადაწყვეტილებეზე.
„კატეგორიულად მიუღებელია და არ დავუშვებ, სანამ მე ვარ ქალაქის მმართველი, ქალაქის მერი, არჩეული თბილისის მოსახლეობის მიერ და არ დავუშვებთ, რომ სახელმწიფო ქონების დატაცება მოხდეს.
ძალიან ბევრ ადამიანს ვეხმარებით, ხელს ვუწყობთ, მაგრამ ეს მიდგომა და დამოკიდებულება, რომ მოვიპაროთ სახელმწიფო მიწები მიუღებელია. თუ სახლი არ აქვს, არსებობს თავშესაფარი, რომელიც ფაქტობრივად ცარიელია და იქ ყველანაირად უზრუნველვყოფთ ან მეორე გამოსავალია, ადამიანებს რომელთაც პრობლემა აქვთ და სახლი დაენგრათ ამისთვის გამგეობები გამოყოფს ფართს და ჩვენ შეგვიძლია ამ ადამიანების იჯარით გაყვანა, რომ არ დარჩნენ ქუჩაში“, – აღნიშნა კალაძემ.