აშშ-ის სურსათისა და მედიკამენტების ადმინისტრაციამ კომპანია Moderna-ს ვაქცინის ეფექტიანობა და უსაფრთხოება დაადასტურა.
მანამდე კომპანიაში განაცხადეს, რომ ვაქცინის ეფექტიანობა 94%-ს აღემატება. კომპანია Moderna-ს ვაქცინის კვლევაში მონაწილეობა 30 ათასმა ადამიანმა მიიღო.
„აშშ-ის სურსათისა და მედიკამენტების ადმინისტრაციამ დაადგინა, რომ განმცხადებელმა სათანადო ინფორმაცია მოგვაწოდა, რაც ცაქცინის ხარისხსა და პროდუქტის რეგისტრაციისთვის საჭირო მოთხოვნების შესაბამისობას ადასტურებს“, – ნათქვამია მარეგულირებლის განცხადებაში.
8 დეკემბერს აშშ-ის სურსათისა და მედიკამენტების ადმინისტრაციამ Pfizer/BioNTech-ის ვაქცინის უსაფრთხოება და ეფექტიანობა დაადასტურა.
კომენტარები