ტელეკომპანია „აჭარის“ ეთერში, ვახო ხუზმიაშვილის გადაცემაში „თავისუფალი სივრცე“ დაავადებათა კონტროლის ეროვნული ცენტრის ხელმძღვანელმა, პაატა იმნაძემ შეზღუდვების მოხსნის შესახებ ისაუბრა.
მისივე თქმით, ყოველდღიურად მიმდინარეობს იმაზე მსჯელობა, თუ რა შეზღუდვები შეიძლება, შემსუბუქდეს 24 დეკემბერს.
„თქვენ თვითონ ხედავთ ციფრებს. მიუხედავად იმისა, რომ ტესტირების დღიური მაჩვენებელი თითქმის ორჯერ გაიზარდა, ჩვენ ისეთი მდგომარეობა გვაქვს, რომ შემთხვევები არ მატულობს.
აჭარაში კლების ტენდენცია ყველაზე კარგად გამოჩნდა. მთლიანად ქვეყანაში ეს კარგად არ ჩანს, მაგრამ შეგვიძლია ვთქვათ, რომ შეზღუდვებმა თავისი ფუნქცია შეასრულა. სტაბილიზაცია მიღწეულია. კლების ტენდენცია იგრძნობა. იმედი გვაქვს, რომ ათ დღეში შემთხვევების კლება, შესამჩნევი გახდება.
მოდით, ყველანი დავფიქრდეთ იმაზე, გვიღირს თუ არა, რესტორანში წასვლა, დღეში 50 კაცის გარდაცვალებად… ეს ყველაფერი ასაწონ-დასაწონია,“ – განაცხადა პაატა იმნაძემ.