შევიმუშავეთ რემდესივირის გამოყენების სრულიად ახალი პროტოკოლი, რომელიც ძალიან დეტალურია და ეყრდნობა მსოფლიოს წამყვანი გაიდლაინების რეკომენდაციებს, – ამის შესახებ ინფექციური საავადმყოფოს დირექტორმა განაცხადა.
„როგორც მე მაქვს ინფორმაცია, რემდესივირი საქართველოში უკვე ჩამოვიდა და ამჟამად მიმდინარეობს თვითმფრინავის განტვირთვა. შემდეგ არის საბაჟო პროცედურები, ლოჯისტიკური საკითხები. ვვარაუდობთ, რომ რემდესევირის გამოყენება პაციენტებში ხელმისაწვდომი იქნება არაუგვიანეს ორშაბათისა. ორშაბათიდან ის იქნება უკვე ყველასთვის ხელმისაწვდომი. მე რამდენადაც ვიცი, შემოტანილია 4 ათასი ფლაკონი, რათა გამოყენებული იქნას ყველა კლინიკაში იმ პაციენტებთან, ვისაც ეს სჭირდება. თუ ექსპერტები მოსაზრება იქნება, რომ მედიკამენტმა გაამართლა და გააუმჯობესა დაავადების მიმდინარეობა, მაშინ ხელმძღვანელობის გადაწყვეტილებაა, რომ შემოიტანოს უკვე ახალი პარტია. იმ რაოდენობით, რა რაოდენობითაც იქნება მოთხოვნა. ფაქტობრივად ყველა კლინიცისტსა გავაცანით რემდესივირის გამოყენების სრულიად ახალი პროტოკოლი, რომელიც ძალიან დეტალურია და ეყრდნობა მსოფლიოს წამყვანი გაიდლაინების რეკომენდაციებს“, – განაცხადა თენგიზ ცერცვაძემ.