რუსეთის პრეზიდენტმა, ვლადიმერ პუტინმა განაცხადა, რომ რუსი ოპოზიციონერის, ალექსეი ნავალნის მოწამვლის საქმის გამოძიება ამერიკული სპეცსამსახურების მასალების ლეგალიზაციაა.
„რაც შეეხება ბერლინის კლინიკის ამ პაციენტს, ამაზე კომენტარი ადრეც გავაკეთე და კიდევ ერთხელ გავიმეორებ. პესკოვმა გუშინ მომიყვა ამ საკითხის შესახებ ბოლოს გაჟღერებულ ვერსიებზე. ეს არ არის რაღაც გამოძიება, ეს ამერიკული სპეცსამსახურების მასალების ლეგალიზაციაა“, – აღნიშნა ვლადიმერ პუტინმა წლის შემაჯამებელ პრესკონფერენციაზე.
რუსეთის პრეზიდენტის თქმით, ალექსეი ნავალნის მხარს ამერიკული სპეცსამსახურები უჭერენ, ხოლო რუსულ სპეცსამსახურებს მისი მოკვლა არ სჭირდებოდათ.
„ვის რაში სჭირდება? რომ გვდომებოდა, ბოლომდე მივიყვანდით“, – განაცხადა ვლადიმერ პუტინმა.
კომენტარები