„ექიმები ეცადნენ 8 დღის განმავლობაში ამ ადამიანის სიცოცხლის გადარჩენას, მაგრამ სასიკეთო შედეგებით ეს ვერ დამთავრდა“, – ამის შესახებ ჯანდაცვის მინისტრმა ეკატრინე ტიკარაძემ, რუსთავში კორონავირუსით გარდაცვლილი 29 წლის ახალგაზრდა მამაკაცის გარდაცვალების ფაქტთან დაკავშირებით განაცხადა.
მისივე განმარტებით, პაციენტის მდგომარეობა სტაციონარში განთავსების დროს უკვე მძიმე იყო.
„ეს ადამიანი 5 დეკემბერს შევიდა სტაციონარში, თუმცა ექიმები აფასებენ, რომ სტაციონარში განთავსების დრო მისი მდგომარეობა იყო მძიმე. ექიმები ეცადნენ 8 დღის განმავლობაში ამ ადამიანის სიცოცხლის გადარჩენას, მაგრამ სასიკეთო შედეგებით ეს ვერ დამთავრდა“, – განაცხადა ეკატერინე ტიკარაძემ.
შეგახსენებთ, რომ რუსთავში 29 წლის გიორგი კაკოშვილი კორნავირუსით გუშინ გარდაიცვალა.
არსებული ინფორმაციით, მას თანმხლები დაავადებები არ ჰქონდა, თუმცა ექიმების ცნობით პაციენტს სრულად ჰქონდა დაზიანებული ფილტვი.