ევროკავშირმა ბელარუსის წინააღმდეგ სანქციები გააფართოვა. როგორც ევროკავშირის საბჭოს განცხადებაშია აღნიშნული, „შავ სიას“ 36 ფიზიკური და იურიდიული პირი დაემატა.
ევროკავშირის ცნობით, სანქციები დაუწესდა მაღალი თანამდებობის პირებს, რომლებიც პასუხისმგებლები არიან მშვიდობიანი დემონსტრანტების, ოპოზიციის წევრებისა და ჟურნალისტების წინააღმდეგ ძალადობრივ რეპრესიებსა და დაშინებებზე, ასევე ალექსანდრ ლუკაშენკოს რეჟიმის მხარდამჭერ ცნობილ ბიზნესმენებსა და კომპანიებს.
სანქციები ითვალისწინებს სამოგზაურო და ფინანსურ შეზღუდვებს.
ევროკავშირის „შავ სიაში“ ბელარუსიდან ამჟამად 88 ფიზიკური და შვიდი იურიდიული პირია.
კომენტარები