დონალდ ტრამპი აცხადებს, რომ ჯო ბაიდენის არჩევნებში გამარჯვება ისტორიულად, მათემატიკურად, პოლიტიკურად და ლოგიკურად შეუძლებელი იყო.
ქვეყნის ჯერ კიდევ მოქმედმა პრეზიდენტმა ვიდეომიმართვის დროს აღნიშნა, რომ ის გამოიყენებს ყველა სამართლებრივ და კონსტიტუციურ გზას, რათა შეაჩეროს საპრეზიდენტო არჩევნების მოპარვა.
თეთრი სახლის ლიდერი დემოკრატებს მერყევ შტატებში ფოსტით ხმის მიცემის დროს მასშტაბურ გაყალბებაში ადანაშაულებს. იმის მიუხედავად, რომ საარჩევნო კოლეგიამ ჯო ბაიდენი გამარჯვებულად ოფიციალურად გამოაცხადა, არჩვენების შედეგებს ტრამპი არ აღიარებს.
ვრცელ მიმართვაში პრეზიდენტმა კონგრესის მიერ მიღებულ ეკონომიკური სტიმულირების პაკეტზეც ისაუბრა და დოკუმენტში შესწორებების შეტანა მოითხოვა. შტატების პრეზიდენტი აცხადებს, რომ ამერიკის მოქალაქეებისთვის განკუთვნილი დახმარება 600 აშშ დოლარიდან მინიმუმ 2 000 აშშ დოლარამდე უნდა გაიზარდოს, წინააღმდეგ შემთხვევაში ის პაკეტს ხელს არ მოაწერს.