თემურ მიქელაძის ინფორმაციით, ჩაკეტვების შედეგად პედიატრიული ასაკის ბავშვების მომართვიანობამ იკლო, მაგრამ გაიზარდა 10-დან 18 წლამდე ასაკის მოზარდების, რაც მათ მიერ მოწყობილ სხვადასხვა შეკრებას და ღონისძიებას უკავშირდება. ამის შესახებ ექიმ-პედიატრმა „რუსთავი 2“-ის ეთერში განაცხადა.
„თუ აქამდე მომართვიანობა იყო 5 წლამდე ასაკის ბავშვების, შემდეგ კი, როდესაც ბაღები და სკოლები გავხსენით, მომართვიანობა იყო სკოლის ასაკში, ახლა მომართვიანობა გაზრდილია 10-დან 18 წლამდე ასაკის ბავშვების. ეს გამოწვეულია იმით, რომ ამ ასაკის თინეიჯერები აწყობენ შეკრებებს, ფართებს, დაბადების დღეებს იხდიან, ზოგ შემთხვევაში ქირაობენ სახლებს და ა.შ. მე მინდა მათ ვთხოვო, განსაკუთრებით წინასაახალწლო პერიოდში, მაქსიმალურად შეიკავონ თავი ასეთი აქტივობებისგან”, – განაცხადა პედიატრმა.