მომღერალმა და სამცხე-ჯავახეთის გუბერნატორის მოადგილემ, ზურა ხაჩიძემ ცოტა ხნის წინ, სოციალურ ქსელში მწვავე სტატუსი გაავრცელა. საიდანაც ირკვევა, რომ ზურა ხაჩიძეს “საქართველოს ბანკმა” სესხზე პროცენტი გაუზარდა და ამის შესახებ წინასაახალწლოდ ესემესის მეშვეობით ამცნო.
კომენტარებიდან გაირკვა, რომ პროცენტები გაეზარდათ, შოუ-ბიზნესის სხვა წარმომადგენლებსაც.
“პრაიმამბები” ზურა ხაჩიძეს დაუკავშირდა.
– ამ წინასაახალწლოდ, გაგანია პანდემიაში შეიძლება ადამიანს მესიჯი მისწერო, რომ თქვენი პროცენტი მომავალი წლიდან მცოცავი თუ მხოხავი პროცენტით გაიზრდებაო? მოვიცლი მე მაგათთვის. ჩემს უკან დიდი არმია დგას. თემურ თათარაშვილს და ნატო დუმბაძესაც მიუვიდა.
7 პროცენტრში ავიღე კრედიტი და ჩემმა საბანკო მენეჯერმა, ცოტა ხნის წინ, 5 პროცენტამდე შემიმცირა, ახლა კი ეს მესიჯი მოვიღე. პიარი არ ჰყავთ? მესმის ბანკია, მაგრამ ახლა ეს შეიძლება მისწერო ადამიანს?
იმ ბიჭმა (ბადრი ესებუა) რაც წაიღო, ჩვენგან ხო არ შეიძლება ეს ამოიღონ?
ბანკები პირდაპირ ყელში წვდებიან და ახრჩობენ ადამიანებს.მართალია, “საქართველოს ბანკი” ერთადერთი ბანკი იყო, რომელიც უზრუნველყოფის გარეშე მენდო და თბილისში სახლი რომ არ მქონდა, ბინისთვის კრედიტი მომცა, მაგრამ ახლა რაც გააკეთეს, ეს დაუშვებელია.
– რა ოდენობის სესხი გაქვთ აღებული?
– 4 წლის წინ, მომცეს 60 000 დოლარი 15 წლიანი სესხი, ფიქრის გორაზე ვიყიდე სახლი. ოთხი წელია ყოველთვიურად 500 დოლარს ვიხდი და მხოლოდ 6 ათასი დოლარი დააკლდა სესხის საერთო ოდენობას, ისეთი მაღალი პროცენტები აქვთ.
მეუბნებიან, თითქოს მე პრივილეგირებული ვარ, მაგრამ ღმერთია მოწმე, ახლა ჩემი ერთადერთი შემოსავალი არის ხელფასი. ბიზნესი მე არ მაქვს, კონცერტები არ ტარდება. სახლში მყავს ხათუნა, რომელსაც მილიონი რაღაც სჭირდება… როცა რეგულაციები არ არის, მაქვს კონცერტები და დავდივარ საზღვარგარეთ, მაშინ მართლა არ მაქვს ამის გაჭირვება, მაგრამ ახლა მეც რთულ მდგომარეობაში ვარ. ერთადერთი ადამიანი ვინც მეხმარება, ეს არის მამიდაჩემი, რომელიც ამერიკაში ცხოვრობს.
www.primeambebi.ge