კოვიდკლინიკებში დასაქმებულმა სამედიცინო პერსონალმა დანამატი უნდა მიიღოს, რაც არის ასახული 29 ოქტომბრის მთავრობის დადგენილებაში, სადაც განსაზღვრულია დამატებითი ტარიფი პროფესიების მიხედვით, ვინ რამდენი დანამატი უნდა მიიღოს საათობრივი ანაზღაურების რეჟიმში, – ამის შესახებ ჯანდაცვის მინისტრის მოადგილემ თამარ გაბუნიამ განაცხადა.
მისივე თქმით, ნოემბრის თვის ხელფასში ეს დანამატი ყველამ უნდა მიიღოს.
„ის, რომ კოვიდკლინიკებში დასაქმებულმა სამედიცინო პერსონალმა დანამატი უნდა მიიღოს, არის ასახული 29 ოქტომბრის მთავრობის დადგენილებაში, სადაც განსაზღვრულია დამატებითი ტარიფი პროფესიების მიხედვით, ვინ რამდენი დანამატი უნდა მიიღოს საათობრივი ანაზღაურების რეჟიმში. მაგალითად, რეანიმატოლოგისთვის განსაზღვრულია რვა ლარი დანამატი, ექთნისთვის გარკვეული ოდენობა, რაც იყო დაახლოებით 50-პროცენტიანი ნამატი ხელფასიდან. ეს დანამატი ნოემბრის ხელფასებში აისახება, ანუ ამ რეჟიმით უნდა აიღონ ნოემბერი და დეკემბერი. ჯერჯერობით, გამომდინარე იქიდან, რომელი თვის ხელფასს იღებს პერსონალი, მათი დანამატიც იქნება შესაბამისად ასახული, მაგრამ ნოემბრის თვის ხელფასში ყველამ ეს დანამატი უნდა მიიღოს“, – განაცხადა თამარ გაბუნიამ.