კარგია, რომ სავაჭრო ობიექტებში ხშირ შემთხვევაში, წესები დაცული იყო. აქედან გამომდინარე, მოლოდინი გვაქვს, რომ შემთხვევების მნიშვნელოვანი მატება არ უნდა მოჰყვეს, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
„დღეიდან შეზღუდვების თვალსაზრისით იგივე მდგომარეობას დავუბრუნდით, რაც 24 დეკემბრამდე გვქონდა, ეს 15 იანვრის ჩათვლით გასტანს. რა თქმა უნდა, ეს ყველაფერი ისევ იმისკენაა მიმართული, რომ სტაბილიზაციას მივაღწიოთ და შემთხვევების კლება მივიღოთ, რაც თვალსაჩინოდ გამოვლინდა, რომ შეზღუდვების და მობილობის ფონზე, საკმაოდ მნიშვნელოვანი ეფექტი ჰქონდა. ახლა ამ ეფექტის შენარჩუნება არის მნიშვნელოვანი. რაც შეეხება 24-დან გუშინდელის ჩათვლით შეზღუდვების შემსუბუქებას, კარგია, რომ სავაჭრო ობიექტებში ხშირ შემთხვევაში, წესები დაცული იყო. აქედან გამომდინარე, მოლოდინი გვაქვს, რომ შემთხვევების მნიშვნელოვანი მატება არ უნდა მოჰყვეს“, – განაცხადა გაბუნიამ.