რესპუბლიკის მოედანზე ალილოსთვის გაიშალა კარავი, სადაც შეგროვდება შემოწირულობა, რომელიც ბავშვთა სახლებში, მოხუცთა თავშესაფრებსა და სასჯელაღსრულების დაწესებულებებში დარიგდება.
„ძალიან დიდი ზეიმია დღეს ყველას გულში. შესრულდა საზეიმო წირვა-ლოცვა, ახლა კი ალილოს მსვლელობისთვის ვემზადებით, რომელიც განსხვავებული იქნება წელს და დიდი მსვლელობა არ მოეწყობა. სასულიერო პირები მანქანებიდან მთელ ქალაქს ნაკურთხ წყალს ასხურებენ.
ნობათს რაც შეეხება, მისი მოტანა შეეძლებათ სამების საკათედრო ტაძართან და სასტუმრო „რედისონთან“, 12-დან 5 საათამდე. ეს ნობათი კი დაურიგდებათ პატიმრებს, ბავშვთა სახლებს და მოხუცთა თავშესაფრებს“, – განაცხადა არქიმანდრიტმა, სამების საკათედრო ტაძრის მღვდელმსახურმა, მამა იოანემ (მჭედლიშვილი).
კომენტარები