”აფეთქება ხდება მაშინ, როცა მეორე დღეს, ანუ დღეს ვიზალიბერალიზაციის საკითხი უნდა გადაწყვეტილიყო და საბედნიეროდ, დადებითად გადაწყდა”, – განაცხადა “ქართული ოცნების” ერთ-ერთმა ლიდერმა ირაკლი სესიაშვილმა ტელეკომპანია “პირველის” ეთერში:
“ქვეყნის ინტერესებს დღეს იცავს ხელისუფლება, იცავს მშვიდ და დემოკრატიულ გარემოში არჩევნების ჩატარების პრინციპებს. დააკვირდით რამდენიმე გარემოებას – აფეთქება ხდება “კურიერის” გაშვების დროს, როცა “ნაციონალური მოძრაობა” ახდენს საკუთარი გუნდის პრეზენტაციას, ეს ხდება მაშინ, როცა მეორე დღეს ამ პარტიის აქცია იგეგმება, ეს ხდება მაშინ, როცა მეორე დღეს, ანუ დღეს ვიზალიბერალიზაციის საკითხი უნდა გადაწყვეტილიყო და საბედნიეროდ, დადებითად გადაწყდა. არ მინდა შევიდე კრიმინალისტების კომპეტენციაში, დავიწყო ანალიზი, სად იყო დამონტაჟებული ასაფეთქებელი ნივთიერება, ვის რა ინტერესები ამოძრავებდა. გივი თარგამაძის წინააღმდეგ ჩატარებული აქტი სცილდება ლოგიკას და რეალობას – რომელი კენედია გივი თარგამაძე. ვის რაში სჭირდებოდა მის წინააღმდეგ რაიმეს განხორციელება?”, – განაცხადა სესიაშვილმა.