დღეს, დგება გასხვავებული ეტაპი COVID-19-თან ბრძოლის გზაზე. პრევენციული ზომები მსოფლიოში უფრო და უფრო აქტუალური ხდება. ევრსოაბჭოზეც აქტუალური ხდება ვაქცინაციის თემა, აქტუალური იყო საქართველოს პარლამენტშიც. საქართველო ყველაფერს გააკეთებს იმისათვის, რომ ქვეყანაში რაც შეიძლებას სწრაფად შემოვიდეს მაღალი ხარისხის ვაქცინა, – ამის შესახებ ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ „დღის ქრონიკაში“ ისაუბრა.
„კოვაქს“ პლატფორმას აქვს უცილობელი პირობა, რომ მათ მიერ მიწოდებული ვაქცინა უნდა იყოს ჯანმრთელობის მსოფლიო ორგანიზაციის მიერ ავტორიზებული და უნდა ჰქონდეს საერთაშორისო აღიარება. მათი მოთხოვნა არის ის, რომ სახელმწიფოებმა გაიზიარონ პასუხისმგებლობა შესაძლო დამდგარი ზიანის გამო, თუ ეს ზიანი არ არის განპირობებული იმპორტიორის, ან კლინიკის, ან ექიმის შეცდომით. ნებისმიერ სამედიცინო პროდუქტს აქვს გვერდითი მოვლენები. აქ ახალი არაფერია. ასევე ასეთი ჩანაწერი, აქამდეც არსებობდა კალენდარულ აცრებთან მიმართებაში. ანუ ეს პასუხისმგებლობები, სახელმწიფოსიც, ექიმისაც, კლინიკისაც, მწარმოებლისაც და იმპორტიორისაც, აქამდეც არსებობდა. რადგან კოვიდვაქცინა არ შედის კალენდარული აცრების ჩამონათვალში ამიტომ გახდა საჭირო დამატებითი საკანონმდებლო ასახვა გაგვეკეთებინა“, – განაცხადა დიმიტრი ხუნდაძემ.