„თავისუფალი ზონის“ ყოფილმა წევრმა იგორ შეიკინმა „ნაციონალური მოძრაობის“ მანდატი დაჭრა.
„პარტია „ნაციონალური მოძრაობის“ დატოვების ნიშნად უნდა გადავჭრა სახალხოდ ჩემი მანდატი, რომელიც ავიღე 2012 წელს,“– განაცხადა შეიკინმა.
შეიკინი „თავისუფალი ზონაში“ 2006 წლიდან იყო გაწევრიანებული. მისი თქმით, 2012 წლის არჩევნებში დამარცხების შემდეგ პარტიის ლიდერები პირდებოდნენ, რომ ყველა შეცდომას, რომელიც დაუშვეს, გამოასწორებდნენ, გაითვალისწინებდნენ შენიშვნებს და სუფთა ფურცლიდან დაიწყებოდა ყველაფერი.
“თუმცა, ეს მხოლოდ დაპირება იყო და ყველაფერი ძველებურად გააგრძელეს. ბოლო პერიოდში ჩემთვის ცნობილი გახდა, რომ არჩევნების შემდეგ პარტიაში იგეგმებოდა ძალადობრივი ქმედებები და პროვოკაციები, რაც ჩემთვის მიუღებელია“, – განაცხადა იგორ შეიკინმა, რომელმაც ”ნაციონალური მოძრაობა“ დატოვა.
წყარო: 2030news