ნინი ჭელიძე სოციალურ ქსელში ივერი მელაშვილს მიმართავს და აზერბაიჯანიდან მიწოდებულ რუკებს ასაჯაროვებს, სადაც კარგად ჩანს სიმართლე დავით-გარეჯის შესახებ.
„მეგობრებო, მინდა თქვენი ყურადღება მოვიხმო და გაგიზიაროთ ის,რაც ჩემი აზერბაიჯანელი მეგობრების დახმარებით ჩამივარდა ხელში!( მადლობა რადას).
საქმე იმაშია, რომ 1964 წელს მოსკოვში, სსრ კავშირის უმაღლესი საბჭოსა და სსრ კავშირის მინისტრთა საბჭოს დავალებით გეოლოგიის სახელმწიფო კომიტეტმა მოამზადა ფართოტანანი გამოცემები, სადაც ფერადი, ილუსტრირებული რუკებით ვგებულობთ, რომ დავით გარეჯის სამონასტრო კომპლექსში შემავალი ყველა ტაძარი, მათ შორის ბერთუბნის მონასტერი და მიმდებარე მამულები საქართველოს კუთვნილებაა!(რუკა N2)
გარდა ამისა აქვე არის რუკა, რომელიც მოამზადა მეცნიერთა ჯგუფმა და რომელზეც ნაჩვენებია ის მიწები,რომლებიც საბჭოთა კავშირის პერიოდშია გადაცემული აზერბაიჯანისთვის,მაგრამ დავით გარეჯი
აქაც ხელშეუხებელია და საქართველოა!(რუკა N3).
ეხლა კი ჩემი რადას ინფორმაცია:
1963 წელს სსრ კავშირის უმაღლესი საბჭოსა და სსრ კავშირის მინისტრთა საბჭოს ერთობლივი დავალების საფუძველზე სსრ კავშირის გეოლოგიის სახელმწიფო კომიტეტმა დაიწყო მუშაობა მოკავშირე რესპუბლიკების (მათ შორის საქართველოსა და აზერბაიჯანის რესპუბლიკების) ატლასების შექმნა-მომზადებაზე. უშუალოდ ამ საქმეს კოორდინაციას უწევდა კარტოგრაფიისა და გეოდეზიის საკავშირო მთავარი სამმართველო. 1964 წლის მაისში, საქართველოს სსრ მეცნიერებათა აკადემიის ვახუშტის სახელობის გეოგრაფიის ინსტიტუტის წარდგინებითა და საკავშირო გეოლოგიის სახელმწიფო კომიტეტის დასკვნის საფუძველზე სსრ კავშირის მინისტრთა საბჭომ (ხრუშოვი,კოსიგინი) მოიწონა და გამოსაცემად დაამტკიცა საქართველოს სსრ ატლასი რუსულ ენაზე. ატლასის სარედაქციო კოლეგია( ბერძენიშვილი,ძოწენიძე,კეცხოველი, ცხაკაია,მარუაშვილი,ჯაფარიძე) აქტიურად თანამშრომლობდა სსრ კავშირის მეცნიერებათა აკადემიის გეოგრაფიის,ისტორიისა და კარტოგრაფიის ინსტიტუტებთან( კრეიტერი, კუზნეცოვი, მურატოვი, რენგარტენი, სმირნოვი, სობოლევი, გერასიმოვი, გვოზდეცკი, გრიგორიევი, მარკოვი, სოჩავა, სუკაჩოვი). მუშაობის შედეგად დაიდო საბჭოთა სისტემის დროს მანამდე არარსებული ობიექტურობის გამომხატველი ატლასი, რომელიც შეესაბამება საერთაშორისო გეოგრაფიული კავშირის ნაციონალური ატლასების კომისიის დასკვნებს და რეკომენდაციებს. (წყარო: სსრ კავშირის ნაციონალური ატლასების მთავარი სარედაქციო საბჭოს წინასიტყვაობა, მოსკოვი,1964წ. გვერდი 8).
ამ ატლასიდან გამომდინარე:
1.დავით გარეჯის მონასტრებიდან არც ერთი,არასოდეს არ მდგარა აზერბაიჯანის რესპუბლიკის ტერიტორიაზე, ესეიგი საქართველოს სახელმწიფოს საზღვრებს მიღმა და სამონასტრო კომპლექსში შემავალი ყველა მონასტერი, ტაძარი თუ მიმდებარე ტერიტორია დღიდან მისი დაარსებისა სრულად დამოუკლებლად ეკუთვნის საქართველოს, საქართველოს მოსახლეობას და სამოციქულო მართლმადიდებელ ეკლესიას. ( წყარო: საქართველოს სსრ ატლასი,1964 წელი,მოსკოვი,გვერდი 267-268,რუკა 6-7).
რატომ დავწერე ეს ყველაფერი? იმიტომ,რომ არ შეიძლება სიმართლე იყოს ორი! სიმართლე ერთია და მინდა ვკითხო ყველას და მათ შორის ივერი მელაშვილს: ბატონო ივერი, თქვენ შეგიძლიათ თქვათ, რომ ბერძენიშვილი, ძოწენიძე, კეცხოველი, ცხაკაია, მარუაშვილი, ჯაფარიძე, კრეიტერი, კუზნეცოვი, მურატოვი, რენგარტენი,
სმირნოვი, სობოლევი, გერასიმოვი, გვოზდეცკი, გრიგორიევი, მარკოვი, სოჩავა, სუკაჩოვი ტყუიან და თქვენ ამბობთ მართალს?
საერთაშორისო გეოგრაფიული კავშირის ნაციონალური ატლასების კომისია ტყუის და თქვენ ამბობთ მართალს?
იქნებ ასეა და გვითხარით!“ – წერს ჭელიძე.
