თბილისის მერი, კახა კალაძე აკადემიკოს თამაზ გამყრელიძის გარდაცვალების გამო მწუხარებას გამოთქვამს და ოჯახს სამძიმარს უცხადებს.
დედაქალაქის მერის თქმით, ფასდაუდებელია ბატონი თამაზის პედაგოგიური ღვაწლი ფილოლოგთა მრავალი თაობის აღზრდაში.
„დიდი ქართველი მეცნიერი და საზოგადო მოღვაწე გამოაკლდა საქართველოს თამაზ გამყრელიძის სახით.
იგი იყო საერთაშორისოდ აღიარებული ქართველი ენათმეცნიერი, საქართველოს მეცნიერებათა აკადემიის პრეზიდენტი, სხვადასხვა ორგანიზაციის წევრი, არაერთი ეროვნული თუ საერთაშორისო ჯილდოს მფლობელი.
ფასდაუდებელია ბატონი თამაზის პედაგოგიური ღვაწლი ფილოლოგთა მრავალი თაობის აღზრდაში.
ვწუხვარ და ვიზიარებ თამაზ გამყრელიძის ოჯახის, მისი მეგობრების, საქართველოს სამეცნიერო საზოგადოების დიდ გულისტკივილს“, – წერს კახა კალაძე Facebook-ზე.
კომენტარები