ბოდბელი ეპისკოპოსი, მეუფე იაკობი ჭყონდიდის ყოფილი მიტროპოლიტის, პეტრე ცაავას გუშინდელ გადაწყვეტილებას გამოეხმაურა და მას „სინდისის გამყიდველი კაცი“ უწოდა.
„მეუფე პეტრემ გუშინ საკუთარ თავს საბოლოო განაჩენი გამოუტანა. ის იქნება განკვეთილი და როცა მღვდელმთავრის ხარისხი აღარ ექნება, როგორც ზოგადად აგებენ ხოლმე პასუხს ცილისწამებებზე, პირადად მე, ვერსად დამემალებიან, ვერც ის და ვერც მისი ხელშემწყობი. ისაა გამყიდველი კაცი. მან სინდისი გაყიდა. ეჭვი მიჩნდება, როცა ადამიანი სულ სხვებზე ლაპარაკობს. შეიძლება, ჩაეძიოთ და რაღაცები გაიგოთ მასზე“, – აცხადებს მეუფე იაკობი.
ჭყონდიდის ყოფილი მიტროპოლიტი პეტრე ცაავა, მის საკითხთან დაკავშირებით კომისიის შექმნის გადაწყვეტილებას ღიმილისმომგვრელს უწოდებს და აცხადებს, რომ ეს დროის გაყვანისა და საკითხის გადაგორების მიზნით ხდება. პეტრე ცაავა ასევე დანაშაულებრივს უწოდებს მღვდელმთავრებისთვის ეპარქიების ცვლილებას და აცხადებს, რომ ეპარქიების გადაბარება კომისიების მეშვეობით უნდა ხდებოდეს.